3歲4個月 - Kyle主動問哥哥借玩具

今日出街食午餐嘅時間，坐隔離枱目測大約4至5歲嘅哥哥揸住一個會變機械人嘅火車，雖然kyle已經手揸住柯柏文，但係好明顯kyle好想玩哥哥個玩具。

Kyle 問我可唔可以玩，我叫佢自己問哥哥。
係再三鼓勵之下，同埋可能因為佢真係好想玩，佢第一次鼓氣勇氣去開口問哥哥!

好細力拍拍哥哥幾次，非常非常細聲問咗兩次，再經我幫佢重覆問多一次，當哥哥聽到後就即刻借俾佢喇。哥哥真係好好!kyle都有借自己個柯柏文俾哥哥玩架，雖然哥哥興趣不大😅。

感恩今次對kyle有一個正面嘅回應，希望可以幫佢建立正面嘅社交經驗啦！😊